Աշխատաժողով` նվիրված մաթեմատիկական կրթության բարելավմանը

Հունիսի 3-5-ը Բաթումիի Շոթա Ռուսթավելիի անվան պետական համալսարանում տեղի ունեցավ աշխատաժողով` նվիրված ՏԵՄՊՈՒՍ-ի MathGeAr ծրագրի շրջանակներում մաթեմատիկական կրթության գնահատման մեթոդաբանությանը: Աշխատաժողովի ընթացքում անդրադարձ կատարվեց MathGeAr ծրագրի իրականացմանը և ձեռքբերումներին, կրթական ծրագրերում եվրոպական ինժեներական SEFI ասոցիացիայի կողմից մշակված մաթեմատիկական կոմպետենցիաների ներդրման, դասավանդման պրոցեսում MathBridge տեղեկատվական համակարգի կիրառման հնարավորություններին:

Հայաստանի և Վրաստանի 4-ական բուհերում մասնագիտական կրթական ծրագրի փորձաքննություն է իրականացվում

Ավարտվեց փորձագիտական խմբերի այցը հայաստանյան 4 պետական բուհեր: Մայիսի 18-ից հունիսի 5-ն ընկած ժամանակահատվածում «Կրթության կառավարում» մասնագիտության կրթական ծրագրի փորձաքննության շրջանակներում փորձագիտական խմբերն այցելել են Վանաձորի պետական համալսարան (ՎՊՀ), Գորիսի պետական համալսարան (ԳՊՀ), Հայաստանի պետական տնտեսագիտական համալսարան (ՀՊՏՀ) և Հայաստանի պետական մանկավարժական համալսարան (ՀՊՄՀ):

Վանաձորի պետական համալսարանն ինստիտուցիոնալ հավատարմագրում է անցնում

Ինստիտուցիոնալ հավատարմագրման գործընթացի շրջանակներում մեկնարկել է փորձագիտական խմբի այցը Վանաձորի պետական համալսարան: Հունիսի 1-5-ը փորձագիտական խումբը ՎՊՀ-ում հանդիպումներ կունենա ռեկտորի, պրոռեկտորների, դեկանների, ամբիոնների վարիչների, պրոֆեսորադասախոսական կազմի, ինքնավերլուծություն իրականացրած խմբի, ուսանողների, շրջանավարտների, պոտենցիալ գործատուների հետ, կիրականացնի ռեսուրսների դիտարկում:

Մանկավարժական համալսարանն ինստիտուցիոնալ հավատարմագրում է անցնում

Ինստիտուցիոնալ հավատարմագրման գործընթացի շրջանակներում այսօր մեկնարկել է փորձագիտական խմբի այցը Խ. Աբովյանի անվան հայկական պետական մանկավարժական համալսարան (ՀՊՄՀ): Մայիսի 25-29-ը փորձագետները բուհում հանդիպում-քննարկումներ կունենան բուհի ռեկտորի, պրոռեկտորների, դեկանների, ամբիոնների վարիչների, ինքնավերլուծություն իրականացրած խմբի, պրոֆեսորադասախոսական կազմի, ուսանողների, շրջանավարտների և պոտենցիալ գործատուների հետ, կիրականացնեն ռեսուրսների դիտարկում:

Տնտեսագիտական համալսարանը և Կառավարման ակադեմիան 4 տարի ժամկետով ինստիտուցիոնալ հավատարմագրում են ստացել

Հայաստանի պետական տնտեսագիտական համալսարանը և ՀՀ պետական կառավարման ակադեմիան 4 տարի ժամկետով ինստիտուցիոնալ հավատարմագրում ստացան: Այսօր կայացած նիստում նման որոշում կայացրեց «Մասնագիտական կրթության որակի ապահովման ազգային կենտրոն» հիմնադրամի (ՈԱԱԿ) հավատարմագրման հանձնաժողովը: