Քոլեջների աշխատակիցների հերթական խումբը վերապատրաստվում է ՈԱԱԿ-ում:
Սեպտեմբերի 28-30-ը ՈԱԱԿ-ում ընթանում է միջին մասնագիտական ուսումնական հաստատությունների աշխատակիցների համար կազմակերպված «Որակի ապահովման համակարգերի մշակում և բարելավում» թեմայով վերապատրաստման առաջին փուլը:
Երկփուլ վերապատրաստումների նպատակն է աջակցել քոլեջներում որակի ապահովման ներքին համակարգերի ներդրմանը և զարգացմանը, նախապատրաստել քոլեջները ինստիտուցիոնալ հավատարմագրմանը:
Դասընթացի ընթացքում ՈԱԱԿ մասնագետները, տեսական ու գործնական նյութերի համադրմամբ, ներկայացնում են կրթության որակի ապահովման համակարգը, որակի ապահովման մեթոդաբանությունը, հետադարձ կապի մեխանիզմները, դրանց մշակումն ու ներդրումը: