Մասնագիտական կրթության որակի ապահովման ազգային կենտրոնը (ՈԱԱԿ) խրախուսում է մասնագիտական կրթական ծրագրերի (ՄԿԾ) վերանայման և բարելավման բուհերի նախաձեռնությունները։
Այս նպատակով ամեն տարի կազմակերպվում են ՄԿԾ բարելավման հաջողված փորձերի առցանց հանդիպում-քննարկումներ, որտեղ ՀՀ բուհերի մասնագիտական կրթական ծրագրերի պատասխանատուները և դասախոսները ներկայացնում են իրենց փորձը՝ նպաստելով բուհերի միջև մասնագիտական երկխոսությանը և լավագույն փորձի տարածմանը։
Եթե ձեր բուհն ունի ՄԿԾ բարելավման հաջողված փորձ, որը ցանկանում եք ներկայացնել առաջիկա հանդիպմանը, մինչև սեպտեմբերի 12-ն էլ. փոստով ուղարկեք թեման և ներկայացուցչի կոնտակտային տվյալները m.barseghyan@anqa.am հասցեին։ Հարցերի դեպքում կարող եք զանգահարել 010 229145 հեռախոսահամարով:
Ակնկալում ենք ձեր համագործակցությունը և ակտիվ մասնակցությունը։