Կրթության ապագա կառավարի՞չ ես, ցանկանո՞ւմ ես նոր մասնագիտական գիտելիքներ ձեռք բերել և դրանք գործնականում կիրառել։ Եթե այո, ապա այս հայտարարությունը հենց քեզ համար է։
Մասնագիտական կրթության որակի ապահովման ազգային կենտրոնը (ՈԱԱԿ) կրթության կառավարում մասնագիտությամբ սովորող ուսանողներին բացառիկ հնարավորություն է ընձեռում։
ՈԱԱԿ նախաձեռնությամբ առաջիկա սեպտեմբերին տեղի կունենա գործնական դասընթաց, որը հնավարություն կստեղծի տեսական գիտելիքները գործնականում կիրառել, հավատարմագրման գործընթացների ուսումնասիրությամբ վերլուծել և դուրս բերել լավ փորձը, որը կարիերայի զարգացման հիմքն է: Դասընթացի շրջանակներում կքննարկվի և կվերլուծվի որակի արտաքին և ներքին ապահովման գործընթացների մասնակիցների դերը, կներկայացվեն նրանց աշխատանքի առանձնահատկությունները։
Դասընթացի ընթացքում ակտիվություն ցուցաբերած և իրենց լավագույնս դրսևորած ուսանողները հնարավորություն կստանան հետագայում մասնակցել ՈԱԱԿ կողմից իրականացվող մշտադիտարկման և հավատարմագրման գործընթացներին, ինչպես նաև աշխատանքի անցնել ՈԱԱԿ-ում։
Դասընթացին մասնակցությունն անվճար է։
Դասընթացը եռափուլ է, յուրաքանչյուր փուլի տևողությունը՝ 3 օր։
Դիմելու վերջնաժամկետը՝ օգոստոսի 28։
Դիմելու համար պետք է լրացնել հղման ներքո ներկայացված հարցաշարը և ուղարկել CV-ն info@anqa.am էլ․ փոստին։
Տեղերը խիստ սահմանափակ են, այնպես որ շտապեք դիմել։ Բաց մի թողեք մասնագիտական կարիերա սկսելու բացառիկ հնարավորությունը։