Բացառիկ հնարավորություն ուսանողների համար ձեռք բերելու խորքային գիտելիքներ Եվրոպայում կրթության որակի ապահովման համակարգի վերաբերյալ և որպես ուսանող-փորձագետ իրենց ներդրումն ունենալու Եվրոպայում կրթական համակարգի բարելավման գործում։
Եվրոպական ուսանողական միությունը հայտարարում է բաց մրցույթ որակի ապահովման ուսանող-փորձագետների բազայի համալրման համար։
Ընտրված լավագույն ուսանողները կընդգրկվեն Եվրոպական ուսանողական միության որակի ապահովման ուսանող-փորձագետների բազայում 1 տարի ժամկետով։
Դիմելու վերջնաժամկետը մայիսի 19-ն է։
Ովքե՞ր կարող են դիմել
Բակալավրիատում, մագիստրատուրայում կամ հետբուհական կրթական համակարգում սովորող ուսանողները։
Ինչո՞ւ դառնալ ESU որակի ապահովման խմբի անդամ
Խմբում ընդգրկվելը հնարավորություն կընձեռի
- խորքային գիտելիքներ ձեռք բերել եվրոպական բարձրագույն կրթության մասին;
- ներգրավվել որակի ապահովման ծրագրային և ինստիտուցիոնալ գործընթացների ազգային և միջազգային մակարդակով;
- ընդգրկվել որակի ապահովման գործակալությունների կառավարման խորհուրդներում;
- տեղեկացված լինել որակի ապահովման ոլորտում նորագույն զարգացումների մասին;
- ծանոթանալ և համագործակցել որակի ապահովմամբ հետաքրքրված այլ մարդկանց հետ տարբեր երկրներից;
- մասնակցել հատուկ ուսանող-փորձագետների համար մշակված դասընթացների,
- զարգացնել փոխանցելի հմտությունները, ինչպիսիք են հաղորդակցությունը, գործընկերային գնահատումը և այլն:
Ինչպե՞ս դիմել
Դիմելու համար պետք է լրացնել հայտը՝ անցնելով հղմամբ https://bit.ly/3Ul8unM ։
Լրացուցիչ տեղեկություններ
Եվրոպական ուսանողական միությունը (ESU) 40 երկրների 44 ազգային ուսանողական կառույցները միավորող կազմակերպություն է։
ESU որակի ապահովման ուսանող-փորձագետների բազայի նպատակն է խրախուսել ուսանողների ներգրավվածությունը կրթության որակի ապահովման գործընթացերում և նպաստել կրթության որակի բարելավմանը Եվրոպական կրթական տարածքում։
ՈԱԱԿ 5 ուսանող-փորձագետներ արդեն իսկ համալրել են Եվրոպական ուսանողական միության անդամների շարքերը։ Այժմ հերթը քոնն է։