Մասնագիտական կրթության որակի ապահովման ազգային կենտրոնը շարունակում է դասընթացները քոլեջների և բուհերի փորձագետների համար։ Ներկայում ընթանում է մասնակիցների հայտագրման և նոր խմբերի ձևավորման գործընթացը։
Դասընթացի շրջանակներում փորձագետները գործնականում կծանոթանան հավատարմագրման գործընթացին, առանձնահատկություններին, կիրականացնեն հավատարմագրման չափանիշների և չափորոշիչների վերլուծություն, ուսումնական հաստատության նախնական գնահատում, ինչպես նաև փորձնական փորձագիտական զեկույց կգրեն։
Դասընթացին մասնակցությունն անվճար է։
Փորձագետին ներկայացվող պահանջներին կարող եք ծանոթանալ հղման ներքո։ Դասընթացին կհրավիրվեն մասնակցելու միայն փորձագետին ներկայացվող բոլոր պահանջներին համապատասխանող թեկնածուները, որոնք լրացրել են փորձագետների էլեկտրոնային հարցաշարը (հարցաշարը կարող եք լրացնել հետևյալ հղմամբ) կամ իրենց ինքնակենսագրականն ուղարկել են info@anqa.am էլ փոստին (նամակի վերնագիրը նշեք՝ փորձագետների վերապատրաստում)։
Դասընթացին մասնակցության մանրամասների համար կարող եք զանգահարել 010 229 145 հեռախոսահամարով։
Առաջիկա դասընթացին գրանցման վերջնաժամկետը փետրվարի 29-ն է։