Հաշվի առնելով հավատարմագրման պատրաստվող քոլեջների կարիքները և ընդառաջելով ինքնավերլուծության թեմայով վերապատրաստում կազմակերպելու առաջարկներին՝ Մասնագիտական կրթության որակի ապահովման ազգային կենտրոնը կազմակերպում է «Ինստիտուցիոնալ ինքնավերլուծության իրականացում» թեմայով դասընթաց:
Երկփուլ վերապատրաստման դասընթացի ընդհանուր տևողությունը 6 օր է: Դասըթնացի առաջին փուլը տեղի կունենա փետրվարի 26-28-ին։
Դասընթացին կարող են մասնակցել քոլեջների տնօրենները, որակի ապահովման պատասխանատուները կամ այն աշխատակիցները, որոնք մասնակցելու են ինստիտուցիոնալ ինքնավերլուծության իրականացմանը։
Դասընթացի արդյունքում մասնակիցները տեղեկատվություն կստանան կրթության որակի ներքին ու արտաքին ապահովման գործընթացների վերաբերյալ, ձեռք կբերեն անհրաժեշտ գիտելիքներ և կարողություններ քոլեջներում որակի ներքին ապահովման գործընթացների ծավալման, ինստիտուցիոնալ կարողությունների ինքնավերլուծություն իրականացնելու ուղղությամբ:
Մասնակիցներին կտրվեն հավաստագրեր:
Երկփուլ դասընթացի արժեքն է 50 000 դրամ:
Գրանցվելու և մանրամասներին տեղեկանալու համար մինչև ս.թ փետրվարի 22-ը կարող եք զանգահարել 22-91-45, 22-91-46, (094)05-02-41 հեռախոսահամարներով: