Մասնագիտական կրթության որակի ապահովման ազգային կենտրոնը սեպտեմբերի երկրորդ կեսին դասընթացներ կիրականացնի քոլեջների և բուհերի փորձագետների համար։ Ներկայում ընթանում է մասնակիցների հայտագրման և խմբերի ձևավորման գործընթացը։
Դասընթացի շրջանակներում փորձագետները գործնականում կծանոթանան հավատարմագրման գործընթացին, առանձնահատկություններին, կիրականացնեն հավատարմագրման չափանիշների և չափորոշիչների վերլուծություն, ուսումնական հաստատության նախնական գնահատում, ինչպես նաև փորձնական փորձագիտական զեկույց կգրեն։
Դասընթացին մասնակցությունն անվճար է։
Փորձագետին ներկայացվող պահանջներին կարող եք ծանոթանալ հղման ներքո։
Դասընթացին մասնակցության մանրամասների և գրանցման համար կարող եք Ձեր ինքնակենսագրականն ուղարկել info@anqa.am էլ փոստին կամ զանգահարել 010 229 145 հեռախոսահամարով։