«Մասնագիտական կրթության որակի ապահովման ազգային կենտրոն» հիմնադրամը (ՈԱԱԿ) մասնագիտական ուսումնական հաստատությունների հավատարմագրման աշխատանքներում ընդգրկելու նպատակով հրավիրում է համագործակցության։
Եթե ունեք փորձառություն հետևյալ ոլորտներում կամ ոլորտներից մեկում, ապա հենց ձեզ ենք փնտրում․
- կրթական գործընթացների կազմակերպում,
- ՄԿՈՒ համակարգում դասավանդում,
- առարկայական և կրթական ծրագրերի մշակում
- մասնագիտության կրթական ծրագրերի և ուսումնական հաստատությունների գործունեության փորձագիտական գնահատում:
Փորձագետին ներկայացվող ամբողջական պահանջներին և փորձագիտական աշխատանքի մանրամասներին կարող եք ծանոթանալ ՈԱԱԿ կայքի «Փորձագետներ» բաժնում։
Փորձագետների բազայում ընդգրկված մասնագետներին հնարավորություն կընձեռվի մասնակցել հանրապետությունում և նրա սահմաններից դուրս իրականացվող հավատարմագրման գործընթացներին:
Դիմողներն իրենց ինքնակենսագրությունը (CV հայերեն տարբերակով) պետք է ուղարկեն ՈԱԱԿ-ի հետևյալ էլեկտրոնային փոստի հասցեին՝ info@anqa.am՝ վերնագրի դաշտում նշելով «փորձագետ»։