Մասնագիտական կրթության որակի ապահովման ազգային կենտրոնը դեկտեմբերին դասընթացներ կիրականացնի քոլեջների և բուհերի փորձագետների համար։ Ներկայում ընթանում է մասնակիցների հայտագրման և խմբերի ձևավորման գործընթացը։
Դասընթացի շրջանակներում փորձագետները գործնականում կծանոթանան հավատարմագրման գործընթացին, առանձնահատկություններին, կիրականացնեն հավատարմագրման չափանիշների և չափորոշիչների վերլուծություն, ուսումնական հաստատության նախնական գնահատում, ինչպես նաև փորձնական փորձագիտական զեկույց կգրեն։
Դասընթացին մասնակցությունն անվճար է։
Փորձագետին ներկայացվող պահանջներին կարող եք ծանոթանալ հղման ներքո։ Դասընթացին կհրավիրվեն մասնակցելու միայն փորձագետին ներկայացվող բոլոր պահանջներին համապատասխանող թեկնածուները, որոնք լրացրել են փորձագետների էլեկտրոնային հարցաշարը։ Հարցաշարը կարող եք լրացնել հետևյալ հղմամբ։
Դասընթացին մասնակցության մանրամասների համար կարող եք զանգահարել 010 229 145 հեռախոսահամարով։
Առաջիկա դասընթացին գրանցման վերջնաժամկետը նոյեմբերի 30-ն է։