Մասնագիտական կրթության որակի ապահովման ազգային կենտրոնը, հաշվի առնելով, որ ՀՀ կառավարության որոշմամբ մինչև 2018թ. դեկտեմբերի 31-ը Հայաստանում գործող բոլոր ՄՈՒՀ-երը պետք է դիմած լինեն ինստիտուցիոնալ հավատարմագրման, կազմակերպում է հերթական դասընթացը, որը կնպաստի միջին մասնագիտական ուսումնական հաստատություններում որակի ապահովման համակարգի ներդրմանը:
Միջին մասնագիտական ուսումնական հաստատությունների աշխատակիցների համար նախատեսված դասընթացը մեկնարկելու է մարտի 15-ին: Երկփուլ վերապատրաստման դասընթացի ընդհանուր տևողությունը 6 օր է:
Դասընթացին կարող են մասնակցել քոլեջների կառավարման համակարգի այն աշխատակիցներն ու դասախոսները, ովքեր հետագայում ստանձնելու են որակի ապահովման պատասխանատուների դերը:
Դասընթացի արդյունքում մասնակիցները տեղեկատվություն կստանան կրթության որակի ներքին ու արտաքին ապահովման գործընթացների վերաբերյալ, ձեռք կբերեն անհրաժեշտ գիտելիքներ և կարողություններ քոլեջներում որակի ներքին ապահովման կառույցների ստեղծման, որակի ներքին ապահովման գործընթացների ծավալման, ինստիտուցիոնալ կարողությունների ինքնավերլուծություն իրականացնելու ուղղությամբ:
Մասնակիցներին կտրվեն հավաստագրեր:
Երկփուլ դասընթացի արժեքն է 37 500 դրամ:
Գրանցվելու և մանրամասներին տեղեկանալու համար մինչև ս.թ. մարտի 13-ը կարող եք զանգահարել 22-91-45, 22-91-46, (094)05-02-41 հեռախոսահամարներով: